Творческий вечер Гамзата Цадасы прошел в Махачкале

2017 соналъул 18 декабралда Ц1адаса Х1амзатил ц1аралда бугеб аваразул музыкалиябгун драмаялъул театралда тIобитIана, нилъер халкъияв шаг1ир Ц1адаса Х1амзатица 140 сон т1убай к1одо гьабураб, дандерак1ари.
Авартеатралъул зал занкIун ц1ун бук1ана маг1арул ихтилат-кепалъухъги, кеч1-бакъаналъухъги г1ащикълъун гьенире рач1арал маг1арулаз. Ралагьаразе к1удияб асар гьабуна Х1амзатил асаралгун церерахъарал Мах1ачхъалаялъул 8, Кизилюрталъул 6, Хунзахъ росдал 2 школазул лъималаз. «Айдимир ва Умайгьанат» спектаклгун цере рахъана хъутабазда ругел школазул авар мац1алъул учительзаби. Ц1адаса Х1амзатил куч1дул ц1алана ва ах1ана Авартеатралъул артистаз. Пандрида ах1улел куч1дуз миллат х1айран гьабуна Т1елекьа Мух1амад-Х1абибица ва Зивуриса Х1усен Г1амирхановас. Х1амзатил гъасда дандеруссин г1ажаибго берцин гьабуна Ч1арадисезул хоралъ. Киназего к1удияб баркала.

Баркала гьеб тадбир т1обит1изе кьвербакъарал Авартеатралъе @avarteatr_, «Хундерил жамаг1ат» жамг1ияб г1уц1иялъе @khunzakh_obshestvo, авар мац1алъул учительзабазул Цолъиялъе.
Гьединго, к1удияб баркала гьаб тадбир т1обит1изе кумекалъе ватарав Халкъияб советалъул депутат Хучбаров Хучбар Загьидовичасе @deputat_dag @xxz_05.

Баркала Ц1адаса Х1амзатил 140 сон т1убай к1одо гьабун гьабулеб тадбиралъул режиссёр Г1алисултан Батировасе ва гьелъие сценарий хъварай ва гьеб иш нухда бачарай Баху Мух1идиновалъе @bahumuhidinova.

Ахиралдаги, театралъул фойеялда киназго х1албихьана умумузул кванил ниг1мат — т1идул карщалъул. Гьенибги ихтилат-кепаги, кеч1-бакъанги, кьурди-хъатги, гьуинаб хабарги, рахъулел сураталги… г1емераб заманаялъ цоцаздаса рат1алъизе бокьуларого бук1ана маг1арул миллат.
Маг1арулал ругел лъик1ал г1адамал…

2 3

Оставить коментарий: